Ang COP is isang mabilis na paraan upang alalahanin ang pagkaunawa ng Lordship Salvation upang magkaroon ng walang hanggang buhay. COP = Commitment to obey Christ, na sinusundan ng Obedience to Christ, na sinusundan ng Perseverance sa pagsunod hanggang kamatayan.

Sa madaling salita, ang pangako na sumunod kay Kristo, gaano man kataos- at buong-puso ay hindi sapat. Ito ay kailangang sundan ng aktuwal na pagsunod na tatagal habang buhay.

Ang katotohanang ang mga nanghahawak sa LS ay matatag sa kanilang mga pananaw ay dahilan kung bakit mahirap na madali ang magbahagi sa kanila.

Ito ay mahirap sapagkat kadalasan hindi mo maibahagi ang iyong pananampalataya. Kadalasan sinasagot mo lamang ang kanilang mga sinasabi.

Ito ay maaaring maging madali dahil alam na nila ang mga isyung pag-uusapan, sang-ayon sila sa iyo sa mga pangunahing turo, at madalas ay handang magbigay sa iyo ng ilang minuto lalo kung handa ka ring magbigay sa kanila ng kaparehong minuto na magbahagi rin saiyo.

Ang aking payo ay humingi sa iyong kaibigan o minamahal na nanghahawak sa Lordship salvation ng limang minuto upang ibahagi ang iyong mga alalahanin at pananaw.

Una, sabihin mo sa kaniya na mahal mo siya at nais mong masiguro na gugugulin niya ang eternidad kasama ang Panginoon sa Kaniyang kaharian. Tatlumpong Segundo.

Pangalawa, magkasundo kayo sa inyong pagkakapareho. Pareho kayong nanghahawak na ang Biblia ay ang hindi nagkakamaling Salita ng Diyos, na si Jesus ay tunay na Diyos at perpektong Tao, na si Jesus ay namatay sa krus kahalili natin at Siya ay bumangon mula sa mga patay, na Siya ay muling babalik upang itatag ang Kaniyang kaharian, at walang makalalapit sa Ama, maliban kay Jesu-Kristo. Animnapung Segundo.

Pangatlo, amining ikaw ay hindi ganap, na ikaw ay minsang nakibaka sa kawalang ng katiyakan ng buhay na walang hanggang at ang iyong kasalukuyang katiyakan ay hindi nakasalig sa pagsusuri ng iyong mga gawa. Tatlumpung Segundo.

Pang-apat, at napakahalaga, hamunin siya sa pamamagitan ng pagtatanong, “Maaari bang ang iyong pananaw ng ebanghelyo ay mali?” Labinlimang Segundo.

Panlima, banggitin ang Juan 3:16 at ibahagi ang mensahe ng pananampalataya lamang sa kaligtasan. Ang Panginoong Jesus ay nangako na ang sinumang sumampalataya sa Kaniya ay hindi mapapahamak ngunit mayroong buhay na walang hanggan. Ang nag-iisang kundisyon ay pananampalataya sa Kaniya. Hindi siya nagbanggit ng pangako, pagsunod o pagpapatuloy. Ang mensahe ay tunay na napakahirap sapagkat ito ay kabalintunaan ng lahat ng relihiyon, kabilang na ang Ebenghelikalismo. Animnapung Segundo.

Pang-anim, himukin ang iyong kaibigan na ipanalangin ang bagay na ito at basahin ang Ebanghelyo ni Juan. Nais ng Diyos na matiyak mo na ikaw ay may walang hanggan katiyakan, at ito ay maaaring mapasaiyo. Tatlumpung Segundo.

Kung pananatilihin mong payak ang iyong pagbabahagi, matatapos mo ito nang hindi aabot ng apat na minuto.

Pinapayo kong iwasan mong makipagtalo. Kung hindi ka mabigyan ng iyong kaibigan ng limang minutong tuloy-tuloy na hindi siya sumasabad, mas mabuting magkasundo kayo na hindi kayo magkakasundo at magpatuloy ka. Sabihin mong, “Pasensiya na. Ang pinakahuling bagay na gusto kong gawin ay ang makipagtalo saiyo. Mahal kita at nais ko lang ng limang minuto upang maibahagi ang aking punto. Siguro sa ibang araw pwede nating pag-usapan iyan. Ngunit dahil sa ayaw kong makipagtalo, kalimutan muna natin ang paksang ito, lalo’t may nais pa akong ibabahagi saiyo…”

Kung ikaw ay bigyan ng iyong kaibigan ng limang minuto, siguruhing tapusin ang pagbabahagi sa tamang oras at bigyan siya ng pagkakataon na magtanong o magbigay ng komento. Kung nais niya ng sarili niyang limang minuto upang ibahagi ang kaniyang panig, pinapayo ko na pakinggan mo siya nang hindi siya ginagambala.

Makatutulong kung ikaw ay magsasanay kasama ang isang kaibigan o minamahal na sumasang-ayon sa kaligtasan sa pananampalataya lamang.

Ito ang ideya na nais mong iwan sa kaniya: Sa Juan 3:16 at iba pang mga sitas, ang Panginoong Jesus ay nangako ng buhay na walang hanggan na hindi maiwawala sa lahat ng nanampalataya sa Kaniya. Sinuman ay may katiyakan na siya ay may walang hanggang kasiguruhan kung siya ay nanampalataya sa pangako ni Jesus.

Huwag kang umasa na ang iyong kaibigan ay makukumbinse ng isang limang minutong pagbabahagi. Ngunit asahan mo na mauunawaan niya ang iyong sinasabi at mahahamon na ipanalangin ang bagay na ito.

Hindi natin kailangang magbigay ng mahaba at kumplikadong mensahe upang mabigyang linaw ang isyu sa mga nanghahawak ng Lordship Salvation. Keep it simple, saint. Iyan ang KISS method ng pageebanghelyo. Tingnan ang Juan 3:1-18 at Juan 4:1-26.