Noong 8/21/23 ang GES ay nag-pos ng video naming ni Mike Lii. Makikita ninyo ang bidyo dito. Tinatalakay naming ang bidyo ni Allen Parr. Sa kasalukuyan mayroon ng 79 komento. Isa sa mga komento ay nagtatanong, at ito ay umagaw sa aking atensiyon: “Ipinahihiwatig mo bang ang isang mananampalataya ay disaprubado ni Cristo at ligtas pa rin?”
Oo. Tanging mga tapat na mananampalataya lamang ang aprubado ni Cristo. Ang lahat ng mga mananampalataya ay ligtas kailan pa man. Ngunti tanging mga tapat na mananampalataya lamang kasama ng Diyos at aprubado Niya.
Ang Griyegong pangngalang nangangahulugang aprubado at hindi aprubado ay dokimos at adokimos. Ang mga itong ay mga salitang magandang pag-aralan dahil hindi sila madalas gamitin sa BT. Hinihikayat ko kayong mag-aral para sa inyong sarili.
Ang dokimos, aprubado ay ginamit ng pitong beses sa BT (Rom 14:18; 16:10; 1 Cor 11:19; 2 Cor 10:18; 13:7; 2 Tim 2:15, ang sitas ng AWANA; San 1:12).
Dapat nating paglingkuran nang tapat si Cristo upang maging “katanggap-tanggap sa Diyos at aprubado ng mga tao” (Roma 14:18). Sa Roma 16:10, binanggit s “Apeles na subok kay Cristo.” Samakatuwid nang panahong sumulat si Pablo, si Apeles ay isang tapat na Cristiano na aprubado ng Panginoon.
Ipinahiwatig ni Pablo sa 1 Cor 11:9 na ang pagkakahati sa iglesia sa Corinto ay may epektong “
Sapagkat tunay na sa inyo’y mayroong mga hidwang pananampalataya upang yaong mga napatunayan na ay mangahayag sa inyo.” Hindi lahat ng mga mananampalataya sa Corinto ay aprubado. Ikumpara ang 1 Cor 11:30. Tingnan din ang 2 Cor 10:18; 13:7.
Ang isang kailangan sa isang guro ng lokal na iglesia, gaya ni Timoteo, ay subok gaya ng paliwanag ni Timoteo sa 2 Tim 2:15: masikap sa gawa para sa Panginoon, “marunong gumamit ng salita ng katotohanan.”
Sinabi ni Santiago na ang isa sa mga kailangan upang aprubahan ni Cristo ay “nagtitiis ng tukso” (San 1:12).
Ang kabaligtaran ng dokimos ay adokimos. Ginamit ito nang walong beses sa BT (Roma 1:28; 1 Cor 9:27; 2 Cor 13:5, 6, 7; 2 Tim 3:8; Tito 1:16; Heb 6:8). Ang ilang ay iniisip na ito ay ginamit patungkol sa mga hindi mananampalataya. Subalit, karamihan sa mga gamit ay malinaw na patungkol sa mga mananampalataya.
Sa katapusan ng 1 Cor 9, sinabi ni Pablong siya ay namuhay nang disiplinadong buhay para kay Cristo, sa isang bahagi, dahil siya ay takot na madisaprub kay Cristo sa Bema. Hindi nagdududa sa kaniyang walang hanggang kapalaran. Hindi siya tiyak kung siya ay maghaharing kasama ni Cristo, na nangangailangan ng pagtitiis (2 Tim 2:12).
Halos kalahati ng gamit ng BT sa adokimos ay makikita sa 2 Cor 13:5-7. Binabalaan ni Pablo ang mga mananampalataya sa Corinto na maaari silang ma-adokimoi, madisaprub. Kailangan nilang subukin ang kanilang mga sarili kung sila ay tapat sa paglilingkod kay Cristo, tulad ni Pablo at ng kaniyang grupo. Sinabi ni Pablo, “kami ay hindi itinakuwil [mas maigi, disaprubado]” (2 Cor 13:6).
Bagamat hindi lahat ay pareho ang pagkaunawa sa Heb 6:4-8, ito ay patungkol sa mga mananampalataya (vv 4-5) na nahulog mula sa pananampalataya at gaya ng isang bukid na natatakpan ng damo na “tinakuwil (adokimos) and malapit nang isumpa, na ang katapusan ay sunugin” (Heb 6:8). Ang may-akda ng Hebreo ay nagbabanggit ng temporal na kahatulan ng mananampalatayang nahulog. Pansining ang bukid ay nananatili pa rin matapos na masunog ang “mga tinik at dawag.”
May ilang gamit ng adokimos na maaaring patungkol sa hindi mananampalataya. Sinabi ni Pablo na si Jannes at Jambres ay laban kay Moises at sila ay “tinakuwil patungkol sa pananampalataya” (2 Tim 3:8). Hindi natin kilala ang mga taong ito. Hindi natin alam kung sila ay mananampalataya o hindi mananampalataya.
Sa Roma 1:28, tinutukoy ni Pablo ang mga homoseksuwal at mga lesbian (tingnan ang Roma 1:26-27) bilang mga taong “ibinigay ng Diyos sa mahahalay na kaisipan (o disaprubado, adokimos).” Ito ay maaaring pantukoy sa mga mananampalataya o hindi mananampalatayang nasa homosekswalidad. Tingnan din ang Tito 1:16.
Hinihikayat ko kayong pag-aralan ang mga pasaheng gaya ng Parabula ng Mina (Lukas 19:11-27), Parabula ng Matuwid at Hindi Matuwid na Alipin (Mat 24:45-51), Mat 10:32-33, 1 Cor 3:10-15, 1 Cor 9:24-27, 2 Cor 5:9-10, Gal 6:6-10, 2 Tim 2:11-13, 2 Tim 4:6-8, 1 Juan 2:28 at Pah 2-3. Lahat ng mga ito ay nagpapakitang ang mga mananampalataya ay hahatulan sa Bema at tanging mga tapat na mananampalataya lamang ang aprubado Niya.
