Maraming kwento ng Biblia ang nagsosorpresa sa atin. Isang halimbawa ay ang Ex 32:1-7. Ito ay kilalang pasahe. Umakyat si Moises sa Bundok ng Sinai upang tanggapin ang Kautusan mula sa Panginoon. Nanatili siya sa bundok ng apatnapung araw. Ang bayan ng Israel sa paanan ng bundok, ay nasa ilalim ng pamumuno ni Aaron, ang ikalawang tagapamahala sa Israel.
Ang bansa ay nasa mabuting kamay sa loob ng apatnapung araw. Ang Diyos mismo ang pumili kay Aaron upang maging tagapagsalita ni Moises sa Egipto nang harapin ni Moises si Faraon. Buong katapatang isinagawa ni Aaron ang kaniyang tungkulin. Siya ay instrumento sa pagdadala ng Diyos ng sampung salot sa Egipto. Siya ay pangunahing saksi sa lahat ng ginawa ng Diyos, kabilang na ang paghati ng Dagat na Pula. Pinagkatiwalaan ni Moises ang kapatid, isang pagtitiwalang nasa tamang lugar. Si Aaron ay propeta ng Diyos.
Samantalang si Moises ay nasa Bundok ng Sinai, ang mga tao ay nabalisa. Malinaw na inakala nilang hindi na babalik si Moises at nangangailangan sila ng mga diyos na tatapos sa trabaho ng pagdala sa kanila sa Lupang Pangako. Marami silang nakitang mga huwad na diyos sa Egipto, kaya sanay na sila sa pagkakaroon ng maraming diyos. Kung ang Diyos na kinatagpo ni Moises ay inabandona na sila, gagawa sila ng bagong kukuha ng Kaniyang lugar.
Lumapit sila sa kanilang pinuno na si Aaron upang mapangyari ito. Ang sinumang nagbasa ng Biblia sa unang pagkakataon ay marahil natatawa sa kanilang ginawa. Tila malinaw na hindi sasang-ayon ang kanang kamay ni Moises sa ganitong tampalasang plano.
Ito ang dahilan kung bakit sorpresa ang Exodo 32. Sumang-ayon si Aaron sa kanilang plano, at higit pa sa kanilang hiniling. Inutusan niya silang ibigay sa kaniya ang kanilang mga gintong alahas. Tinunaw niya ang mga alahas at ginawang gintong guya. Nagtayo siya ng altar upang maghandog dito. Sa huli, pinahayag niyang bukay ay araw ng piyesta na luluwalhati sa kanilang bagong diyos. Sa aking pagkaunawa, ang selebrasyong ito ay may kaakibat na mga kasalanang sekswal.
Bakit ginawa ni Aaron ang mga bagay na ito? Tila, gaya ng mga tao, siya man ay naimpluwensiyahan ng kaniyang mga tradisyon. Sa Egipto, siya man ay nakakita ng iba’t ibang diyos na gawa sag into. Ang mga guya ay sinasamba roon. Komportable siya sa ideya ng politeismo. Tunay, ang Diyos sa kabundukan ay gumawa ng maraming dakilang mga bagay, ngunit sa kaniyang isipan, sa liwanag ng pagkaantala ni Moises, marahil may ibang diyos na makatutulong sa mga tao at tatapon ng sinimulan ng Diyos na nagpaluhod sa Egipto.
Malinaw na ang ginawa ni Moises ay nakalugod sa mga tao. At NAPAKARAMI ng tao- mga nasa dalawang milyon. Mahirap tanggihan ang kahilingan ng napakaraming tao kapag ikaw ay nag-iisang tumatayo. Nilarawan ng teksto si Aarin na naging sikat sa buong bansa. Ginawa niya pa ngang selebrasyon ang pagbali ng kautusna ng Diyos! Ang presyon ng mga kasama ay isang makapangyarihang pwersa! Masarap sa pakiramdam ang pahalagahan at tanggapin ang palakpak ng sanlibutan. Isipin mo kung ano ang pakiramdam ng palakpak ng dalawang milyong tao.
Sa 1 Corinto 10, sinabihan ni Pablo ang mga mananampalataya sa Corinto na maaari silang matuto sa mga nangyari sa mga Israelita sa Exodo. Ang mga mananampalataya ay dapat mag-ingat at baka tayo ay madapa sa pag-ulit ng kanilang ginawa (1 Cor 10:12).
Kasama sa mga ito si Aaron. Bilang mga Cristiano, ang ating mga tradisyon at nakalipas ay maaaring maging dahilan upang malimutan ang sinabi ng Panginoon. Ang pagsang-ayon ng sanlibutan ay maaaring maging mas mahalaga sa atin kaysa sa pagpapaluwalhati sa Panginoon. Kailangan nating mag-ingat. Kung nangyari ito kay Aaron, huwag nating isiping hindi ito mangyayari sa atin.
